PeopleReneBanner2 Home_Right

Susbscribe to People

Manm/aktivis e siporter United Seychelles Roche Caiman ti zwenn Sanmdi pase pour en rankont. Bi sete pour refer eleksyon komite Lazenes ek Madanm. I annan manm ki’n sorti lo vye komite pour rezon travay ouswa lezot komitman ki pa permet zot vin miting oubyen lezot levennman. Me zot pour lanmenm pour ed lezot pran sa bann responsabilite. Pour le moman akoz zot bann komitman serten in bezwen sorti. Se pour sa rezon ki in annan lespas pour lezot manm antre e donn koudmen.

Dapre tyermenn Baz, Audrey Vidot, apre osi ki in zwenn avek bann dimoun pour pas zot lenformasyon tel ki sa spektak ki pou rann omaz fondater parti Msye France Albert René Tou le lannen “Party Week” i ganny organize. Swa i annan kongre oubyen lezot aktivite. Sanmdi ti lokazyon pour pas lenformasyon avek tou manm pour ki letan sa zour i vini zot desann an fanmir pour vin partisipe ansanm avek United Seychelles.
I dir ki konman tyermenn Baz e MNA distrik, in kapab zwen avek siporter e lezot zabitan Roche Caiman pour ki si i annan okenn lezot lenformasyon i pas avek zot e si zot annan okenn kestyon ki zot anvi met devan son latansyon oubyen rod leklersisman, la ti zot sans pour kapab ganny sa dyalog .
Onrorab Vidot i dir ki pou en Sanmdi apremidi i ti kontan ki siporter in desanm nombre pour montre lentere. Zot in anvi konnen akoz ki zot dirizan dan distrk pe zwenn zot. Ti annan en melanz lazenes, madanm e osi Msye ki menm si zot pann vote, me selman zot ti la pour konnen ki pe pase. Zot in osi vini pour donn zot sipor e solidarite pour bann dimoun ki ti pe partisip dan eleksyon. Apre sa rankont nou zournal ‘The People’ ti la pour ganny pwennvi detrwa partisipan lo 2 kestyon enportan :
Sa ti akoz ki lamazorite dimoun pe dir ki zot bezwen United Seychelles e Prezidan Danny Faure ? E letan ki United Seychelles i repran son mazorite dan Lasanble Nasyonal e Prezidan Faure i ganny elekte konman Prezidan pour en nouvo manda 5 an, ki zot lespektasyon?

 

 

Rosie Larue

“Nou’n lite tou sa letan. Nou ti mizer. La sa zistans kot nou’n arive, i fermal pour retourn an aryer. Letan nou ganny bann prosen eleksyon, nou pou kontinyen al an avan e fer progre.”

 

 

 


Rosie Larue

“Nou’n lite tou sa letan. Nou ti mizer. La sa zistans kot nou’n arive, i fermal pour retourn an aryer. Letan nou ganny bann prosen eleksyon, nou pou kontinyen al an avan e fer progre.”

 

 


 

Elizabeth Gay

“ Mwan mon’n vwar Prezidan Faure pe travay. Napa dimoun ki parfe, me i fer son mye pour lev sa pei. Sanmenm ki nou bezwen li ek United Seychelles.
Apre sa bann eleksyon ki pe vini, mon ekspekte ki dimoun i travay. Zot bezwen ekout lepep e konnen ki nou bezwen dan sa pei. Sa Lasanble ki la, mon pa vwar zot pe fer nanryen. Zot lev tou bann keksoz ki’n pase depi en pake lannen. Nou pa bezwen sa nou. La nou bezwen bouz devan.


 

Marie-May Sultan

“Nou bezwen Danny Faure akoz i en Prezidan ki kosto, kapab e kalib. I kapab diriz nou dan sa semen ki Prezidan René ti konmans trase. I en zonm ki letan mon gete i pa pe per pour fer fas avek nenport ki difikilte ki pe arive ozordi.
Apre nou viktwar byento avek United Seychelles, nou pou kontinyen nou travay pli dir ankor.”


 

Josette Knowles

“Dimoun pe dir ki nou bezwen United Seychelles avek Prezidan Danny Faure akoz kot nou’n arive nou bezwen pouse pour al pli devan. Apre nou gran viktwar byento nou pou kontinyen travay. Albert Reneé in la e in fer en kantite pour nou pei. Ozordi kantmenm in kit nou, me dan leker i ankor la. Kot nou’n arive nou bezwen ale menm la. Napa retourn deryer.”

 

Shamira Finesse

“Nou bezwen en dimoun ek en parti poltik ki kapab debout deryer nou pep. Sa dimoun se Prezidan Danny Faure e sa parti politik se United Seychelles. Danny Faure i kapab fer li. Pa nenport ki dimoun ki kapab fer sa louvraz Prezidan.
Apre ki nou’n fini ranport bann eleksyon ki pe vini, Seselwa pou annan plis lespwar.”

 

Miera Savy

“Nou bezwen en dimoun ki onnet. En dimoun ki pou travay dir pour son pei. Nou bezwen osi en serten stabilite pour nou kapab travay pour sa pei.
Problenm an se moman nou napa sa mazorite dan Lasanble Nasyonal, me si tou sa bann keksoz ti anplas Prezidan Faure ti pou fer bann pli bon travay pou Sesel. Me mon konfidan ki tou keksoz pou sanze dan bann prosen eleksyon.

 

 

Letimie Chetty

“Mon’n en siporter sa Parti depi 1979. Ozordi mon krwar ki sa nasyon i bezwen en Prezidan parey Danny Faure. Mon ekspekte ki letan United Seychelles ek Prezidan Faure i ganny tou le de eleksyon tou Seselwa pour travay ansanm. “

 

 

Shaida Freminot

“Prezidan Faure ek United Seychelles zot travay byen. Son fason travay i parey sa ki pour France Albert René. Konman en zenn mwan mon pou kontinyen anmenn dimoun dan United Seychelles pour en bon lavenir apre ki nou’n fini ranport bann eleksyon. “

 

Luciana Delcy

“Sa pei i bezwen marse. Sel parti politik ki pou fer li marse se United Seychelles. Sel Prezidan ki pou fer li marse se Danny Faure. Mon annan konfyans dan sa Parti.
Depi ler mon’ n ne, mon paran in met bann rezon devan mwan akoz ki mon bezwen annan konfyans dan sa parti. Apre viktwar United Seychelles byento, nou ava koriz kot i mal and nwa kontinyen fer sa ki byen. Nwa fer li menm vin pli byen ankor ki avan. Nwa donn zenn bann bon legzanp.”

 

 Hansel Larue

“Sa Prezidan ek sa parti politik i annan leksperyans. Nou bezwen alavenir aranz sa ki mal e sa ki byen nou ranforsi lo la. Apre eleksyon mon ekspekte Prezidan Danny Faure fer plis sa ki i pe fer la. Mon’n swiv son parkour e mon vwar ki i ankor pe byen fer. Avek ankor en manda 5 an, i pou fer pli byen ankor pour nou pei.”

 

 

 Lina Adrienne

“Nou tou nou Seselwa, nou bezwen anmenn nou Sesel byen. Prezidan Faure pe met nou lo sa bon larout. Apre viktwar United Seychelles nou ekspekte zis sa ki bon pour Sesel akoz Bondye i bon.”

Menu